Buplèvre(-prim)
Bupleurum tenuissimum
Apiaceae Umbelliferae
Nom en français : Buplèvre menu.
Descripcioun :Lou buplèvre-prim es uno planto dindouleto, ramificado tre la baso e que retoumbo souvènt. Èi pèr acò que se vèi pas toujour. Trachis dins li prado e pelouso umido, li mueio e pulèu sus marlo o argielo e de cop que i'a sus un sòu sala. S'aluencho pas trop de la mar. Sèmblo proun au buplèvre-verdau, Bupleurum semicompositum, pamens aquest darrié trachis dins li relarg secous, e si fru soun pas cubert de costo.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Bupleurum
Famiho : Apiaceae
Famiho classico : Umbelliferae
Ordre : Apiales
Coulour de la flour :
Roso
Petalo : 5
Ø (o loungour) flour : 3 mm
Flourido : Printèms
- Estiéu - Autouno
Sòu : Na Cl
Autour basso e auto : 0 à 600 m
Aparado : Noun
Remarco : Planto de coustiero
Jun à óutobre
Liò : Prado umido
- Mueio
- Marlo
- Ermas
Estànci : Mesoumediterran
Couroulougi : Mediterrano-atlantico
Ref. sc. : Bupleurum tenuissimum L., 1753
Senòbi(-counfoundu)
Bromus commutatus
Poaceae Graminaceae
Nom en français : Brome confondu.
Descripcioun :Aquéu senòbi trachis dins li prado umido e lis ermas de meissoun. Si barbo rèston drecho un cop se. Isto uno meno proche, Bromus racemosus, que fai d'arèsto pu courto emé d'espigueto pu courto tambèn (15 mm) . Eici fan 18 mm e lis antèro 1 à 2,5 mm (>2,5 mm pèr soun cousin). Poudèn apoundre que l'arèsto de la proumiero flour èi pu courto que la dis autro (fotò).
Usanço :Es uno bono erbo pasturiero.
Port : Erbo
Taio : 10 à 90 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an
Gènre : Bromus
Famiho : Poaceae
Famiho classico : Graminaceae
Tribu : Triticeae
Ordre : Poales
Coulour de la flour :
Verdo
Petalo : ges
Ø (o loungour) enflourejado : 4 à 5 cm
Flourido : Printèms
- Estiéu
Sòu : Ca
Autour basso e auto : 0 à 1200 m
Aparado : Noun
Abriéu à juliet
Liò : Prado umido
- Ermas
Estànci : Termoumediterran à Mountagnard
Couroulougi : Éuroupenco-Caucasiano
Ref. sc. : Bromus commutatus Schrad., 1806
(= Bromus racemosus subsp. commutatus (Schrad.) Syme, 1872 )